بلغ سلامي يا نسيم

بلغ سلامي يا نسيم
والزين نبغيله سلام
مشتاق شاق القلب ريم
واللي شراتي ما يلام

غر ريا وقدره حشيم
بدر تجلى ف الظلام
في ضامري جرحه جديم
خلى نضيري ما ينام

يا عيد من لي له نديم
عيد الفطر عقب الصيام
خلى الحشا و قلبي سجيم
حيه وبي زاد الغرام

الغر بو خصر هضيم
يا زين عودة والقوام
يعل اوطنه يود هميم
يبطي على داره الرهام

يعل اوطنه يودن هميم
يبطي على دار الرهام
لين الحيا يا زمزميم
وينساح مدقوق الوشام

الزين لي زينه عديم
له في الحشا سكن ومقام
قلبي تولع به وغريم
ولا لي ع الفرقه مرام

بصبر ولي صبر كريم
بالعون لو عشرين عام
في شف منسوع البريم
ريم غراني بالغرام

كلمات: عبدالله بن ذيبان
ألحان: ميحد حمد
غناء: ميحد حمد